پاکستان ءَ  موسم ءِ مٹ ءُبدلی ءِ رند پد آنی رکھینگ ءِ  واستہ  درچک کشگ المی انت، علی نواز اعوان

اسلام آباد۔22اگست  (اے پی پی): مزن وزیر ءِ ھاسیں کمکار برائے سی ڈی  اے  کار علی نواز اعوان ءَ گوشت کہ پاکستان ءَ را  موسمی مٹ ءُ بدلی آنی رند پد آں چہ رکھینگ ءِ واستہ درچک کشگ المی انت، مزن وزیر عمرنا خان ءَ ملک ءَ جنگل آنی   گیشی ءِ واستہ بلین  ٹری سونامی منصوبگ بندات کتگ ایش کامیاتی ءَ گوں جاڑی انت  پارکس ءُ واکنگ ٹریک جان سلامتی ءِ واستہ المی انت۔ اے ھیالانی درشانی آءی ءَ یک شمبے ءِ روچ ءَ اسلام آباد ءِ سیکٹر آئی ایف ءِ ایدھی پارک ءَ   نہال کشگ ءِ گامگیج  ءِ بنگیج ءِ موہ ءَ کت۔