اسلام آباد۔21اگست (اے پی پی): وزیر ءِ درئی کار مخدوم شاہ محمود قریشی ءَ اسلامی کمکی گل او آئی سی ءِ سیکرٹری جنرل ڈاکٹر یوسف العثمین ءَ گوں ٹیلی فوک ءِ سر ءَ رابطہ کت ءُ اوگانستان ءِ استیں جاور ھال آنی بابت ءَ ھیال ریچی کتگ۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار ءَ گوشت کہ پاکستان ، اوگانستان ءَ ایمنی ءِ برجائی ءِ واستہ وتی جوڑیشتی ءُ پازیٹیو کرد ءَ پیول کنگ ءِ واستہ جزمیگ انت۔ آئی ءَ اے امیت سہرا کت کہ اوگان سروک وتی وت مہ وتی اختلاف داری آنی ھلاسی ءُ ٹوھیں گیش ءُ گیواری ءِ ھوالگ ءَ سول ءُ تران آں چہ سیت چست کنت۔ مخدوم شاہ محمود قریشی ءَ گوشت کہ کابل ءَ جاڑی سول ءُ تران آنی کامیاتی ناں ایوک ءَ اوگانستان بلکینگ ءَ سرجمیں پڑ ے واستہ گہتری ءِ سبب جوڑ بنت۔ سیکرٹری جنرل او آئی سی ڈاکٹر یوسف العثمین ءَ وزیر ءِ درئی کار ءَ را مرچی 22 اگست ءَ جدہ ءَ اوگانستان ءِ ھوالگ ءَ برجم داشتگیں او آئی سی ءِ ایگزیکٹیو کمیٹی ءِ ایمرجنسی دیوان ءِ ھوالگ ءَ سئیگ ءُ سرپد کت۔
