اسلام آباد۔21اگست (اے پی پی):جرمن وزیر ءِ درئی کار ہائیکو ماس ءَ وزیر ءِ درئی کار مخدوم شاہ محمود قریشی ءَ گوں ٹیلی فون ءِ سر ءَ رابطہ کتگ۔ اے موہ ءِ سر ءَ وزیر ءِ درئی کار ءِ نیام ءَ اوگانستان ءِ استیں جاور ھال آنی سر ءَ ھیال ریچی کنگ بوت۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار مخدوم شاہ محمود قریشی ءَ جرمن وزیر ءِ درئی کار ءَ گوں تران کنان ءَ گوشت کہ پڑ ءَ ایمنی ءُ برجائی ءِ واستہ اوگانستان ءَ ایمنی المی انت۔ آئی ءَ گوشت کہ پاکستان اوگانستان ءَ مھکمیں ایمنی ءِ واستہ ٹوھیں ءُ شاھیگانیں گیواری المی پھم ایت۔ وزیر ءِ درئی کار ءَ پاکستان ءُ جرمنی ءِ نیام ءَ مزن تکی روگ ءُ آیگ ءِ بابت ءَ دل یکیمی ءِ درشان ھم کت۔ اے موہ ءِ سر ءَ وزیر ءِ درئی کار مخدوم شاہ محمود قریشی ءَ جرمن ھمکار ءَ را پاکستان ءِ تر ءُ تاب کنگ ءِ دعوت ھم دات۔
