اسلام آباد۔21اگست (اے پی پی):چیف سیکرٹری بلوچستان مطہرنیاز رانا ءَ گوستگیں روچ ءَ بوھوکیں وت کشیں ارش ءُ گوادر ءِ سیکورٹی جیڈھ آنی چار ءُ تپاسی کتگ ءُ ھما جاہ ءَ شتگ ءُ ھما واکیہ ءِ جاہ ءِ معائنہ ھم کتگ۔ آئی جی پولیس، کمشنر مکران ءُ ایندگر ٹوھ ٹوھیں کارندہ آئی ءِ گوما ھمبراہ بوتگ انت۔ اے موہ ءَ گوں تران کنان ءَ آءی ءَ سیادی داروکیں کارندہ آناں واکیہ ءِ سرجمیں پٹ ءُ پول کنگ ءُ زوت رپوٹ پیش کنگ ءِ پنت ءُ شون کتگ۔ آئی ءَ گوشت کہ اچ کس ءَ را کانود ءِ لگت مال کنگ ءِ موہ دیگ نہ بیت، الس ءِ جان ءُ مال ءِ رکھینگ ءَ را دل یکیمی جوڑ کنگ ءِ واستہ مھکمیں سیکورٹی پلان جوڑ کنگ بہ بیت۔ آئی ءَ گوشت کہ گوادر ءَ ھوار سرجمیں صوبگ ءِ توامیں ھند آنی سر ءَ منصوبگ آنی تہ ءَ کار کنوکیں چینی انجینئر آنی رکھینگ ءَ را گیش گہتر کنگ بہ بیت۔
