اسلام آباد۔21اگست (اے پی پی): وزیر ءِ درئی کار مخدوم شاہ محمود قریشی ءَ روسی وزیر ءِ درئی کار سرگئی لیورف ءِ گوما ٹیلی فون ءِ سر ءَ رابطہ کتگ۔ دوئیں وزیر ءِ درئی کار آنی نیام ءَ دو نیمگی یکوئی ءُ اوگانستان ءِ مٹ بوھوکیں جاور ھال آنی ھوالگ ءَ ھیال ریچی کنگ بوتگ۔ اے موہ ءَ وزیر ءِ درئی کار مخدوم شاہ محمود قریشی ءَ گوشت کہ ایمنیں ءُ برجمیں اوگانستان ناں ایوک ءَ پاکستان بلکینگ ءَ سرجمیں پڑ ءِ واستہ سک باز ارزشتی انت، پاکستان ءَ مدام اوگان ایمنی کار ءِ کمک کتگ۔ مخدوم شاہ محمود قریشی ءَ گوشت کہ پاکستان ءُ روس ءَ “ٹرائیکا پلس” ءِ بھر ءِ رد ءَ اوگان ایمنی ءِ واستہ گیشاں چہ گیش کرد پیلو کتگ، آئی ءَ گوشت کہ استیں جاور ھال آنی رد ءَ اوگان شہری آنی سیکورٹی ءُ آوانی ھک آنی رکھینگ ءَ را اولی کار لیکگ لوٹ ایت۔ آئی ءَ گوشت کہ ٹوھیں ءُ مھکمیں برجائیءِ واستہ کشک آسان کنگ لوٹ ایت۔ آئی ءَ گوشت کہ ما پاکستان سٹریم گیس پائپ لائن منصوبگ ءِ سر ءَ زوت کار ءِ بندات کنگ ءِ واستہ جزمیگ آں۔
