اسلام آباد۔21اگست (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ کابل ءَ پاکستانی سفارت خانہ ءَ را انٹرنیشنل میڈیا ءَ ھوار سرجمیں دگنیا ءَ سہرائی رسگ ءَ انت، انوگ ءَ تں چار ہزار ءِ نزیک ءَ ویزا جاڑی کنگ بوتگ، اوگانستان ءَ ایمنی ءُ برجائی ءِ واستہ مئے کرد درستاں چہ مستریں بھر انت، اوگانستان ءِ جاور ھال آنی ھوالگ ءَ توامیں میاں اوستمانی ءُ دمگی ھاٹیگ آنی گوما مئے نزیکیں رابطہ انت۔ شمبے ءِ روچ ءَ وتی ویڈیو بیان ءَ اوگانستان ءِ ھوالگ ءَ ھاسیں تران کنان ءَ ئی ءَ گوشت کہ اوگانستان ءَ حکومت جوڑ کنگ ھمودے الس ءَ را کنگی انت۔ مئے کوشست انت کہ ایمنی ءُ برجمیں اوگانستان ءِ واستہ جاڑیگ انت۔ بنجاھی وزیر اھوالکاری ءُ شنگ کاری ءَ گوشت کہ کابل ءَ پیداک بوھوکیں جاور ھال آنی سبب ءَ اھوالکار انٹرنیشنل میڈیا ءِ باسک، آئی ایم ایف، ورلڈ بینک ءُ جتا جتائیں سفارت خانہ آنی باسک آنی در کنگ سک گران بوتگ، پاکستان انٹرنیشنل ائیر لائن ءَ کابل ءَ چہ کساس 1400 مردم آنی در کنگ ءَ آسرائی پجاری کتگ۔ اے ودھ ءَ پاکستانی سفارت خانہ ءَ کساس 4 ہزار ویز ا جاڑی کتگ انت وھدیکہ 2 ہزار ءِ کساس مردم آناں کابل ءَ چہ در کنگ بوتگ۔
