امن وایمنی نا حالیت آتے خراب کننگ‘ قبیلہ غاتے تین پہ تن جنگ تننگ و علاقہ ٹی پساد تالان کروک آتا برخلاف بے فرق آن کارروائی کننگے، گورنر بلوچستان سید ظہوراحمد آغا

کوئٹہ۔ 20اگست (اے پی پی) گورنر بلوچستان سید ظہوراحمد آغا پارینے کہ الس نا جان ومال انا رکھ حکومت نا زمواری ءِ‘ او ضلعی انتظامیہ زیارت ءِ خصوصی پارت کرے کہ امن وایمنی نا حالیت آتے خراب کننگ‘ قبیلہ غاتے تین پہ تن جنگ تننگ و علاقہ ٹی پساد تالان کروک آتا برخلاف بے فرق آن کارروائی کننگے۔ دا ہیت آتے او تدوک آ دے ضلع زیارت ناڈپٹی کمشنر وقار خورشید عالم، اے ڈی سی سمیع اللہ و ڈی پی او ہدایت لونی تون اوڑہی ناوخت آ ہیت وگپ کرسا کرے‘ دا وخت آ گورنر بلوچستان سید ظہور احمد آغا پارے کہ زیارت اٹ بروک سیلانی تا رکھ ہم بھاز المی ءِ‘ او پارے کہ زیارت اٹ امن و ایلمی نا حالیت آتے برجا تخنگ نا بابت ضلعی انتظامیہ نا کڑدار اہم مسنے ہراکہ ستا کڑزک و داکان پد ہم ہندا اومیت کننگ کن الس نا جان ومال انا رکھ علاقہ ٹی امن کن بے فرق آن کارروائی کننگک انتئے کہ زوت زیارت مچ آ ڈیہہ اکن سیل سوات نا گچین ءُ ہندجاٹ اس جوڑ مریک۔ گورنر بلوچستان پارے کہ صنوبر نا جنگل آتا رکھ انا بابت شعور ودی کننگ کن خصوصی السی مہم چلیفنگ المی ءِ۔