کوئٹہ۔ 20اگست (اے پی پی) گورنر بلوچستان سید ظہوراحمد آغا پارینے کہ ملک و قوم انا شونداری و شونہالی ٹی خوانندہ نیاڑی تا کڑدار ءِ سرپند مننگ و سرپند کننگ المی ءِ۔ دا رد اٹ یونیورسٹی آف تربت اٹ نیاڑی تا بھلو کچ اسے نا مننگ دا پک کیک کہ بلوچستان نا نیاڑیک لائخی اٹ کس آن کم افس۔ او یونیورسٹی آف تربت نا وائس چانسلر و اونا ٹیم …
ملک و قوم انا شونداری و شونہالی ٹی خوانندہ نیاڑی تا کڑدار ءِ سرپند مننگ و سرپند کننگ المی ءِ، گورنر بلوچستان سید ظہوراحمد آغا
گیشتریں ھال
کوئٹہ۔ 20اگست (اے پی پی) گورنر بلوچستان سید ظہوراحمد آغا پارینے کہ ملک و قوم انا شونداری و شونہالی ٹی خوانندہ نیاڑی تا کڑدار ءِ سرپند مننگ و سرپند کننگ المی ءِ۔ دا رد اٹ یونیورسٹی آف تربت اٹ نیاڑی تا بھلو کچ اسے نا مننگ دا پک کیک کہ بلوچستان نا نیاڑیک لائخی اٹ کس آن کم افس۔ او یونیورسٹی آف تربت نا وائس چانسلر و اونا ٹیم انا کوشست آتا ستاءِ کرسا پارے کہ صوبہ نا مر انگا علاقہ و کچ اٹنگا وسیلہ غاتے ٹی تربت یونیورسٹی ءِ چنکو وخت اسے ٹی شونداری نا کسر آ روان کننگ ستا کڑزک۔ دا خیال آتا درشانی ءِا و جمعہ نا دے گورنرہاؤس کوئٹہ ٹی یونیورسٹی آف تربت نا بابت بریفنگ نا وخت آ ہیت وگپ کرسا کرے۔ داوخت آ وائس چانسلر یونیورسٹی آف تربت پروفیسر ڈاکٹر جان محمد، پرنسپل سیکرٹری ٹو گورنر شاہنواز علی، رجسٹرار غلام فاروق و ڈائریکٹر یونیورسٹی آف تربت گوادر کیمپس اعجاز احمد ہم ساڑی ئس۔
