اسلام آباد۔ 20ا گست (اے پی پی) صدر مملکت ڈاکٹر عارف علوی قدرتی آفت آتا زہمی تا گچین وڑاٹ کمک و ناجوڑی تا توننگ کن مربوط ءُ نیٹ ورک اس تیار کننگ نا گرج آ زور شاغسا پارینے کہ بنائی طبی امداد نا وخت آ فراوانی 59درسد جون تے بچفنگ اٹ کمک تننگ کیک، اسکول و کالج آتے ٹی طالب علم آتے دا بابت جوان تربیت فراون کننگ نا گرج …
قدرتی آفت آتا زہمی تا گچین وڑاٹ کمک و ناجوڑی تا توننگ کن مربوط ءُ نیٹ ورک اس تیار کننگے، صدر مملکت ڈاکٹر عارف علوی نا انجمن ہلال احمر پاکستان ءِ پارت
گیشتریں ھال
اسلام آباد۔ 20ا گست (اے پی پی) صدر مملکت ڈاکٹر عارف علوی قدرتی آفت آتا زہمی تا گچین وڑاٹ کمک و ناجوڑی تا توننگ کن مربوط ءُ نیٹ ورک اس تیار کننگ نا گرج آ زور شاغسا پارینے کہ بنائی طبی امداد نا وخت آ فراوانی 59درسد جون تے بچفنگ اٹ کمک تننگ کیک، اسکول و کالج آتے ٹی طالب علم آتے دا بابت جوان تربیت فراون کننگ نا گرج ءِ، او جمعہ نادے آ انجمن ہلال احمر پاکستان نا منیجنگ باڈی نا دیوان نا کماشی ءِ کریکہ۔ دیوان اٹی منیجنگ باڈی نا باسک آک بشمول چیئرمین ہلال احمر پاکستان ابرارالحق، آصف باجوہ، ڈاکٹر ارشاد محمد و ڈاکٹر مودات حسین رانا آن بیدس تعلقدار سینئر کمامدارآک ہم بشخ ہلکر۔ داوخت آ ابرارالحق دیوان ءِ شکست و آفت آتے ٹی انسانیت نا خذمت اٹی ہلال احمر پاکستان نا کڑد انا بارواٹ حوال تس۔ دیوان اٹی قدرتی آفت آتا زہمی تے دمدستی کمک نا فراوانی نا چرجوئی ٹی تنظیم ءِ سوگو کننگ کن چندی سلاہ پیش کننگا۔ دا وخت آ صدر مملکت ہلال احمر، نیشنل ڈیزاسٹر مینجمنٹ اتھارٹی، شعبہ جان جوڑی و ایلو سرکاری ادارہ غاتا نیام اٹ گچین رابطہ قائم کننگ نا گرج آ زور شاغا تانکہ ناگہانی آفت آتا دروشم اٹ وخت آ و گچین گام گیج کننگ مرے۔ اوہلال احمر آ زور شاغاکہ او ضرورت مند آتے کن دترنا دوئی کننگ ءِ پک کننگ کن عطیہ مہم نا کماشی ءِ کے۔ صدر مملکت ملک اٹ ورناتا شونداری کن انجمن ہلال احمر پاکستان و وزیراعظم نا سرسہب ورنا پروگرام نا نیام اٹ کمکاری نا گرج آ ہم زور شاغا۔
