اسلام آباد۔20اگست (اے پی پی): مزن وزیر عمران خان ءَ پلیٹ فارم ءَ چہ شِترگ ءُ کپوکیں مردم ءَ را بچارینوکیں ورنائیں پولیس باسک کانسٹیبل جمال کلہوڑو ءَ را داد ءُ شرپ دیگ ءِ جار جتگ۔ آدینگ ءِ روچ ءَ ٹویٹر ءِ سر ءَ جاڑی بوتگیں یک ٹویٹے ءَ آئی ءَ گوشت کہ پرز آنی پیلو کنگ ءِ رد ءَ ما کانسٹیبل جمال کلہوڑو ءَ را 23 مارچ ءَ …
مزن وزیر عمران خان ءِ ورنا پولیس کارندہ کانسٹیبل جمال کلہوڑرو ءَ را داد ءُ شرپ دیگ ءِ جار
گیشتریں ھال
اسلام آباد۔20اگست (اے پی پی): مزن وزیر عمران خان ءَ پلیٹ فارم ءَ چہ شِترگ ءُ کپوکیں مردم ءَ را بچارینوکیں ورنائیں پولیس باسک کانسٹیبل جمال کلہوڑو ءَ را داد ءُ شرپ دیگ ءِ جار جتگ۔ آدینگ ءِ روچ ءَ ٹویٹر ءِ سر ءَ جاڑی بوتگیں یک ٹویٹے ءَ آئی ءَ گوشت کہ پرز آنی پیلو کنگ ءِ رد ءَ ما کانسٹیبل جمال کلہوڑو ءَ را 23 مارچ ءَ داد ءُ شرپ دیگ ءِ پیسلہ داتگ۔ مزن وزیر عمران خان ءَ وتی ٹویٹ ءَ سورہ المائدہ ءِ یک آیت "ھرکس یک بنی آدمے ءِ زندمان ءَ را بچارین ایت گوشے آئی ءَ سرجمیں بنی آدم ءَ را بچارینت” آئی ءَ قرآن پاک ءِ ترجمہ ھم شیئر کت۔ یات دارگ بہ بیت کہ یک روچے پیسر وتی ٹویٹ ءَ مزن وزیر ءَ یک ویڈیو کلپے شیئر کت ایشی ءِ تہ ءَ گندگ بہت کہ یک ورنائیں پولیس باسک ءِ ریلوے اسٹیشن ءَ وتی پرز آں پیلو کنگ ءَ انت کہ اناگہ ءَ یک مسافرے شترت ءُ جھل ءَ کپت گڈا ورنائیں پولیس باسک ءَ گوں زوتی ءَ تتک ءُ ھمے مرد ءَ را ٹرین ءِ چیر ءَ لگت بوھگ ءَ بچارینت۔ اے رد ءَ مزن وزیر ءَ گوشت کہ پرز آنی پیلو کنگ جوانیں کار ات۔ آئی ءَ الس ءِ ازمت ءَ دزگٹیں ورنائیں پولیس کارندہ آنی جوزگ آنی توسیپ کت۔
