وزیراعظم نا ایئرلفٹ کمپنی نا پاکستان اٹی 8ءُ نیم کروڑ ڈالر نا زرکاری نا ستاء

اسلام آباد۔ 20اگست (اے پی پی) وزیراعظم عمران خان ایئر لفٹ کمپنی نا کنڈآن 8کروڑ پنجا لکھ ڈالر نا ساڑی آ زرکاری نا ستاءِ کرسا پارینے کہ حکومت ملک اٹی زرکاری نا وارخواہی ودی کننگ کن سنبرینگوک ءِ۔ جمعہ نادے آ تینا ٹویٹ اٹی وزیراعظم پارے کہ پنی آ ایئر لفٹ کمپنی نا کنڈآن پاکستان اٹی 8کروڑ پنجا لکھ ڈالر نا ساڑی آ زرکاری نا ستاءِ کینہ۔ وزیراعظم پارے کہ ایئرلفٹ کمپنی نا کماشی ءِ پاکستانی ورنااس کننگ ءِ۔ پاکستان اٹی زرکاری و کاروبار کن بھلو لائخی اس ساڑی ءِ۔ وزیراعظم پارے کہ حکومت ملک اٹی زرکاری نا وارخواہی ودی کننگ کن سنبرینگوک ءِ۔