وزیر ءِ تہی کار شیخ رشید احمد ءَ فلپائنی سفیر ءَ گوں گند ءُ نند، اوگانستان ءَ پستگیں فلپائنی شہری آنی  کشگ ءِ ھوالگ ءَ  ھیال ریچی

اسلام آباد۔18اگست (اے پی پی): وزیر ءِ تہی کار شیخ رشید احمد ءَ گوں پاکستان ءَ فلپائن ءِ سفیر ڈینیئل راموس ایسپیریٹو ءَ گوں گند ءُ نند کت  ءُ پاکستان فلپائن  دو نیمگی یکوئی آں  ھوار وت مہ وتی واھگی کار آں ھوار اوگانستان ءَ پستگیں  سد ءَ چہ گیش فلپائن ءِ شہری آنی در کنگ ءِ ھوالگ ءَ ھیال ریچی کت۔ فلپائن ءِ سفیر ءَ گوشت کہ واھشت انت کہ فلپائنی شہیری آناں زوت  کشگ بیت۔ وزیر ءِ تہی کار  ءَ دل یکیمی دات کہ فلپائنی شہیری آناں پاکستان  در کنگ ءَ ھمک رنگیں کمک پجاری کنت۔ وزیر ءِ تہی کار ءَ گوشت کہ اوگانستان ءَ مٹ بوھوکیں جاور ھال آنی رد ءَ وتی بنی آدم دوستی ءُ سفارتی زمہ واری آں پیلو کنگ ءَ انت۔  وزیر ءِ تہی کار ءَ گوشت کہ گیر ملکی شہری آناں اوگانستان ءَ  چہ در کنگ ءَ کمک کنگ ءَ انت، سفارت کار ، اھوالکار، میاں اوستمانی گل آنی کارندہ ءُ آوانی گس ءِ مردم آنی ویزا پالیشی ءِ تہ ءَ گیش نرمی کتگ۔  وزیر ءِ تہی کار ءَ گوشت کہ مزن وزیر عمران خان ءِ پنت ءُ شونگ ءِ پد ءَ پاکستان ءَ آیگ ءِ ویزا ءِ آسراتی پجاری کنگ ءَ آں۔ وزیر ءِ تہی کار ءَ گوشت کہ ھاسیں بالیگ  آناں اجازت دیگ ءَ آں ءُ سیکورٹی پجاری کنگ ءَ آں۔ فلپائنی سفیر ءَ  اے ھوالگ ءَ پاکستان ءِ جوزگ آنی توسیپ کت۔