اسلام آباد۔18اگست (اے پی پی): مزن وزیر ءِ ھاسیں کمکار برائے گریبی ءِ ھلاس کنوک ءُ چاگردی رکھینوک ڈاسکٹر ثانیہ نشتر ءَ گوشت کہ احساس ملکی راجدپتر ءَ درستاں چہ مستریں چاگردی رکھینگی پروگرام انت، احساس ءَ چہ ملک ءَ کساس نیم آباتی سیت مند بیت۔ حکومت ءِ سئے سال ءُ احساس پروگرام ءِ ھوالگ ءَ تران کنان ءَ ھاسیں کمکار ڈاکٹر ثانیہ نشتر ءَ گوشت کہ مئے حکومت ءَ گوستگیں حکومت آںی رد ءَ چاگردی رکھینگ ءِ بجٹ ءَ را دو سرئی کتگ ءُ احساس ءَ چہ گوستگیں سئے سال آنی سرجمیں بجٹ ءَ را کارمرز کتگ۔ دو کروڑ ءُ پنجاھ لکھ گس آنی (10 کروڑ) مردم آناں احساس ایمرجنیس کیش ءَ چہ سیت مند بوتگ انت۔ ایش سرجمیں ملکی آباتی ءِ نیم انت۔ آئی ءَ گوشت کہ احساس ایمرجنسی کیش ءَ را دگنیا ءِ سیمی مستریں پروگرام نامینگ بوتگ۔ آئی ءَ گوشت کہ ون ونڈو پالیشی ءِ منظوری بوتگ، اولی ون ونڈدو مرکز اسلام آباد ءَ انت، ھمک ضلع ءَ ون ونڈو بنجاھی پچ کناں۔ احساس آمدن ءُ احساس بے سُت ءَ وام ءِ پروگرام ملک ءِ 110 ضلع آنی تہ ءَ جاڑی انت۔ ھمک ماہ کساس پنجاپ ہزار گس سیت منت بنت۔
