نیویارک۔18اگست (اے پی پی): یونائیٹڈ نیشن ءَ پاکستان ءِ گشتانکار منیر اکرم ءَ اوگانستان ءَ یک ٹوھیں حکومت ءِ برجائی ءُ شہری آنی بنی آدمی ھک آںی شرپ ءِ رد ءَ طالبان ءِ دل یکیمی ءَ را وش اتک کتگ۔ امریکی ٹیلی وژن نیٹ ورک ءَ را وتی یک انٹرویو ءَ آئی ءَ گوشت کہ میاں اوستمانی برات طالبان ءِ اے زم واری آناں دل یکیمی جوڑ بکنت، منیر اکرم ءَ گوشت کہ طالبان ءِ سروکی زانت کہ میاں اوستمانی برات اوگانستان ءِ استیں جاور ھال آنی سر ءَ جوانیں سسا ءُ زانشت دار ایت۔
آئی ءَ گوشت کہ مارا دیم ءَ چارگی انت ءُ اے چار ءُ بچار کنگی انت کہ چتور اے جاور ھال یک جاھے ءَ رونت ایش اوگانستان ، پڑ ءُ دگنیا ءِ سیت ءَ بہ بنت، منیر اکرم ءَ گوشت کہ اے رد ءَ اول سرئی گامگیج اوگانستان ءَ اے مردم آںی در کنگ انت ھما مردم کہ آھودا چہ در کپگ لوٹاں۔ امریکہ ءُ ایندگر ملک وتی شہیری آناں اوگانستان ءَ چہ در کنگ ءَ انت۔ پاکستان ھم آوانی در کنگ ءَ کمک کنگ ءَ انت۔
