شہادت حضرت امام حسینؓ  ءِ اے کلوہ دروگ تُرئی ھرچی برز ءُ سہرا بہ بیت گڈی ءَ ایشرا ھلاس بوھگی انت، مزن وزیر اسلامی جمہوریہ پاکستان ءِ یوم عاشورہ محرم الحرام   1443ھ/2021  ءِ موہ ءِ راج ءِ  نام ءِ کلوہ  

اسلام آباد۔19اگست  (اے پی پی): مزن وزیر عمران کان ءَ گوشت کہ شہادت حضرت امام حسین   ءِ اے کلوہ کہ  دروگ تُرئی ھرچی برز ءُ سہرا  بہ بیت گڈی ءَ ایشرا ھلاس بوھگی انت،  راستی ءَ را ھرچی چیر دیگ  بہ بیت بلے ایش سہرا بیت، اللہ تعالیٰ ءَ گوں دعا  انت کہ آ مارا حضرت امام حسین  ءِ شہادت ءِ جوزگ ، مزن جگری، قربانی ءُ راستی  ءِ  واھشت ءِ سہرا کنگ ءِ واھشت ءَ  را وتی توک ءَ  تاجگ کنگ ءِ زکت ءَ بدیات تانکہ ما ملک ءُ راج ءِ سربلندی ءِ واستہ ھمک رنگیں قربانی ءِ واستہ تیار بہ باں، مزن وزیر اسلامی جمہوریہ پاکستان ءَ  یوم ءِ عاشورہ  محمرم الحرام  1443ھ/2021  ءِ موہ ءَ  راج ءِ نام ءَ کلوہ ءَ گوشت کہ مرچی  محرم الحرام 1443ھ ءِ دھ  رمس انت ایشرا یوم ءِ عاشورہ ھم گوشتگ، یوم ءِ عاشور اسلام  ءِ آیگ ءَ چہ پیسر باز شرپ مند بوتگ بلے  رسول کریم ﷺ ءِ نماسگ ءِ شہادت ءَ ایشی ارزشت  گیش بوتگ۔ حسین ءِ شہادت ءِ واکیہ یک انچیں بے دروریں واکیہ ات کہ  ایشرا سدانی سال آں تاں اچ کس بے ھیال کت نہ کنت۔  آئی ئَ گوشت کہ  وھد ءِ امام حسین ءَ یزید ءِ زورواک ءَ را نہ من ات گڈا آئی ءَ  حسین ءَ را گوں توامیں ھمبراہ آں  میدان ءِ کربلا ءَ شہید کت۔  مزن وزیر  عمران خان ءَ گوشت کہ گڈ ءَ اے گپ ءِ درشان المی انت کہ کورونا ءِ ھوالگ ءَ استیں ایس او پیز  آنی پد ءُ رندی ءَ بکن ات  تانکہ ملک ءِ پاکستان  اے ھوپ ءَ چہ  بہ رکھ ایت ۔ اللہ پاک مئے پشت ءُ پناہ بات۔ پاکستان زندگ بات۔