اسلام آباد۔18اگست (اے پی پی):ترجمان درئی کارانی کارگس زاہد حفیظ چوہدری ءَ گوشت کہ پاکستان اوگانستان ءِ ایمنی ءُ برجائی لوٹ ایت، پاکستان اوگانستان ءَ ایمنی ءِ کار آنی ھوالگ ءَ پیسر ءَ ھم آسراتی پجاری کنگ ءَ کرد پیلو کتگ ءُ آیوکیں باندات ءَ ایمنی ءُ برجائی ءِ واستہ وتی کرد ءَ جاڑی دار ایت، اوگانستان ءِ دراج بریں پیسلہ کنگ ءِ مستری اوگان الس ءِ کرّا انت۔ اوگانستان ءِ توامیں پریک آناں لوٹ ایت کہ آ وت مہ وتی یکجاہ بہ ننداں ءُ ایشی ءِ سیاسی گیواری ءِ بکن انت۔ اے ھیالانی درشانی آئی ءَ چار شمبے ءِ روچ ءَ جندی ٹی وی چینل ءِ پروگرام ءَ تران کنان ءَ کت۔
آئی ءَ گوشت کہ ما اوگانستان ءَ ایمنی لوٹاں، اوگانستان ءِ الس آں گوستگیں چیل سال ءَ چہ بازیں تکلیف سگ اتگ، اوگانستان ءِ جاور ھال ءَ چہ اوگانستان ءِ رندیں آماچ بوھوکیں مستریں ملک آںی تہ ءَ پاکستان انت۔ ھمے سبب انت کہ پاکستان ءَ چہ گیش اوگانستان ءَ ایمنی ءِ واھشت دار بوت کس بوت نہ کنت۔ پاکستان ءَ اوگان ایمنی کار ءَ پازیٹیو کرد ءِ پیلو کتگ۔
