اسلام آباد۔17اگست (اے پی پی): حزانگ ءِ بنجاہی وزیر شوکت ترین ءَ گشتگ کہ انوگیں حکومت پیسر ءَ حاسیں ء ُ پدا توامیں پڑآناں آسراتی سر کنگ ءِ حکمت عمل ءِ ردءَ جوانیں ء ُمحکمیں اقتصادی دیمروئی ءِ لوٹوک اِنت، پاکستان ءُ جمہوریہ کوریا ءِ نیام ءَ دوستیں سیادی اَست اِنت ء ُپاکستان کوریا ءِ گوما دونیمگی سیادی ءَ ر ا محکم کنگ لوٹ ایت۔ آئی ءَ اے گپ سے شمبے ءِ روچءَ پاکستان ءِتہا جمہوریہ کوریا ءِسفیر سوسانگ پیوسے ءَ گوں ھیر ءُ وش اَتکی گندءُنندءَ کتگ۔ حزانگ ءِ وزیر ءَ سے سالی فریم ورک ایگری منٹ ءِ سرء َ کوریا ءِ شکر ءُمنت گپتگ ءُ گشتگ کہ ایشی ءِ ردءَ انفارمیشن ٹیکنالوجی ، جان ءُ سلامتی ءُ وانگ ء ُ زانگ ءِ منصوبہ آنی ھاترءَ 50 کروڑ ڈالر ءِ کمک دیئگ بوہگءَ اِنت۔ گندء ُنندءِ تہا دونیمگی معاشی پڑءِ ہوالگ ءَ ھیال ء ُ لیکہ ءِ درشانی کنگ بوتگ ءُ دوئیناں دونیمگی بیپاری ءُ زرکاری نزیک ءَ را گیش کنگ ءِ سرءَ زور پِر داتگ۔ حزانگ ءِ وزیر ءَ کوریا ءَ را پاکستانی برآمدات ءِتہا گیشی ءِ وائشت ءِ درشانی کتگ۔ آئی ءَ کوریا ءِ سفیر ءَ را انوگیں اقتصادی پیش رفت ءُ گامگیجانی ہوالگءَ سرپد کتگ۔
