اسلام آباد۔17اگست (اے پی پی): آل پاکستان مری اتحاد ءِ کوئٹہ ڈویژن ءِ صدر میر نصراللہ مری ءَ گشتگ کہ مارا گوں وتی ملک پاکستانءَ حُب ءُ واہگ اَست، ما راستیں پاکستانی اَنت ءُ گوں وتی وطن پاکستان ءَ وپا دار اَنت ، مارا وتی پاک فوج ءِ سرءَ پھر اِنت ء ُ ما گوں وتی پاک فوج ءَ ہم کوپگ اَنت۔ آئی ءَ وتی ھیال ء ُلیکہ درشان کتگ ء ُ گشتگ کہ مامری راج ءَ را اے بھتان جتگ بیت کہ مارا گوں وتی ملک ءَ ایچ وڑیں وپا نیست بلے اے گپ دروگ اِت ، ما وتی ملک پاکستان ءِ وپا دار اَنت۔ ایشی ءَ ابید آئی ءَ گشتگ کہ ما مری راج ءَ ءُ حاس آل پاکستان مری اتحاد ءَ 14 اگست کہ پاکستان ءِ آجوہی ءِ روچ اِنت گوں جوش ء ُ جزبگ ءَ گوازینتگ ءُوتی مہر ءُ دوستی ءِ سبوت داتگ۔ آئی ءَ گشتگ کہ ما 14 اگست ءِ درگت ءَ جوانیں مراگش ء ُ جوانیں جلسہ کتگ ء ُ گوں پاک فوج ء ُ وتی ملک ءَ گوں وتی دوستی ءِ درشانی کتگ۔ آئی ءَ گشتگ کہ پہ ملک ء ُ راج ءَ مئے جان ہم ندر اِنت۔
