اسلام آباد۔ 17اگست (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان کاروبار اٹی آسانی ودی کننگ اٹ چنکا و نیامی درجہ نا صنعت آتا مون آ دننگ کن سنبرینگوک ءِ، ایس بی پی نا کنڈآن اولیکو وار ایس ایم ایز ءِ بیدس ضمانت 10ملین آسان فنانس اسکیم نا رداٹ وام ملنگ کیک۔ داکان مست ایس ایم ایز نا نجی بشخ اٹی ٹوٹل وام تا بشخ بیرہ 6.6درسد ئس۔ سے شنبے نادے آ تینا ٹویٹ اٹی وزیر مملکت فرخ حبیب پارے کہ ایس ایم ایز ءِ 25درسد نا جاگہ غا زیات آن زیات 9درسد آ وام ملنگ کیک۔ اوپارے کہ 40آن 60درسد رسک کوریج حکومت پاکستان کننگ ءِ، دااسکیم آن پوسکن آ ایس ایم ایز فائدہ دوئی کننگ کیک۔ ملک اٹی جم زرگزرانی سرجزآتے ٹی ترندی بریک۔ اوپارے کہ سمیڈا نا رداٹ ایس ایم ایز جی ڈی پی نا 40درسد و برآمدی کٹیاٹی 25درسد بشخ مننگ کیک۔
