اسلام آباد۔ 17اگست (اے پی پی) بنجائی وزیر سائنس و ٹیکنالوجی سینیٹر شبلی فراز پارینے کہ وزیراعظم عمران خان گچین کاری اصلاحات کن اسہ انقلابی ءُ گام اس ہرفینے و الیکٹرانک وونٹنگ مشین نا درستی راستی مننگ آن ملک انا گچین کاری تاریخ بدل مریک۔ الیکشن ءِ شفاف جوڑ کننگ کن ٹیکنالوجی نا کاریم اٹ اتنگ ننا مشور اٹی قول اس ئس، ملک انا گچین کاری سیاست کن اینو اسہ تاریخی ءُ دے اسے، وزارت سائنس و ٹیکنالوجی شفاف گچین کاری کن الیکٹرانک وونٹنگ مشین (ایم وی ایم) تیارکرینے۔ داخیال آتا درشانی ءِ او سے شنبے نادے آ داڑے الیکشن کمیشن نا پیشن میڈیا تون گپ وتران کرسا کرے۔ اوپارے کہ الیکٹرانک وونٹنگ مشین نا تیاری ٹی غٹ پلو آتے مون آ تخنگانے۔ پاکستان اٹ گچین کاری مدام جھیڑہ غاتا گواچی مسنے، باتروک آ دھاندلی نا شئیر خلیک، ننا مسخت ءِ کہ ٹیکنالوجی برے، کٹوک آ کٹنگ ءِ و باتروک آ باتننگ ءِ امنا کے۔ سینیٹر شبلی فراز پارے کہ غٹ سیاسی جماعت آک الیکٹرانک وونٹنگ مشین نا معائنہ ءِ کیر، گڑتی تے مر کننگ ننا فرض ءِ، الیکٹرانک وونٹنگ مشین یوزر فرینڈلی ءِ ہرادے ہیک کننگ ممکن اف۔ بنجائی وزیر سائنس و ٹیکنالوجی پارے کہ الیکشن کمیشن نا سلاہ و سوج آتا رداٹ الیکٹرانک وونٹنگ مشین تیار کرینن، الیکشن ءِ شفاف جوڑ کننگ کن ٹیکنالوجی نا کاریم اٹ اتنگ ننا مشور اٹی قول اس ئس۔ اواپوزیشن جماعت آتے پاکستان اٹی جوڑ کروک آ الیکٹرانک وونٹنگ مشین نا جاچ انا سلہ ءِ خلسا پارے کہ حکومت دا چرجوئی ٹی اوفتا گڑتی تے مرکننگ نا کوشست کیک۔ اوپارے کہ اپوزیشن بیدس سوب اسے نا دانا مخالفت ءِ کپ و تیکنیکی چاہندار آتے الیکٹرانک وونٹنگ مشین نا کاریم نا جاچ ءِ ہلنگ کن گدریفر۔ اوپارے کہ وزارت سائنس و ٹیکنالوجی اسہ ماڈل ءُ مشین اس تیار کرینے ہرانا الیکشن کمیشن جاچ ءِ ہلیک۔ سینیٹر شبلی فراز پارے کہ الیکشن کمیشن آف پاکستان اسہ آئینی ءُ ادارہ اسے و حکومت اودے پرمان تننگ کپک۔ اوپارے کہ وزیراعظم عمران خان گچین کاری اصلاحات کن اسہ انقلابی ءُ گام اس ہرفینے و الیکٹرانک وونٹنگ مشین نا درستی راستی مننگ آن ملک انا گچین کاری تاریخ بدل مریک، الیکٹرانک وونٹنگ مشین تیار کننگ نا اسٹ انگا مسخت گچین کاری عمل اٹ شفافیت اتنگ ءِ۔ بنجائی وزیر سائنس و ٹیکنالوجی پارے کہ نن الیکشن کمیشن نا سلاہ و سوج آتا رداٹ اسہ الیکٹرانک وونٹنگ مشین (ای وی ایم) اس تیار کرینن۔
