اسلام آباد۔ 17اگست (اے پی پی) پاکستانی پوریاگر، صنعت کار و درآمدی و برآمدی بشخ اتون گنڈوک بندغ آک مالی سال 2021-22ء ٹی واپاری سرجزآتا مون آ دننگ کن سلاہ کروک 75جہانی نمائش آتے ٹی بشخ ہلیرہ، کم از کم 28اینوٹ نوایشیائی ملک آتے ٹی مننگ ءُ۔ چین 10نمائش آتون مونی ءِ۔ کوویڈ۔ 19نا سوب آن آن لائن سیمینار، ویبنار و ورچوئل نمائش آتے ٹی بشخ ہلنگ تون اوار ورچوئل سرجزآتیا زیات زور شاغنگانے ولے گڑاس نمائش اینخو مالی سال اٹی ہڑدے نا رداٹ ہم اڈتننگک۔ ٹریڈ ڈویلپمنٹ اتھارٹی آف پاکستان (ٹی ڈی اے پی) نا سرکاری حساب وکتاب نا رداٹ پاکستانی پوریاگر، صنعت کار و درآمدی و برآمدی بشخ اتون گنڈوک بندغ آک 75نمائش آتے ٹی بشخ ہلنگ ءُ۔ 39پاکستانی ڈل سلاہ ئی نمائش آتے ٹی بشخ ہلنگ کن پیشن نا ملک آتا دورہ ءِ کیرہ وخت اس کہ بھاز انگا درملکی مندوبین آک داوڑنا دود آتے ٹی بشخ ہلنگ کن پاکستان آ بریرہ، ٹی ڈی اے پی نا رداٹ 17نا تعلق ایگرو و فوڈ اتون ءِ، 24ٹیکسٹائل و سل آن،17انجینئرنگ و معدنیات آن، 10سروسز و سیل و سوات آن، وآئی ایم ڈی ڈی آن ءِ۔چائنہ انٹرنیشنل فیئر فارٹریڈان سروسز(سی آئی ایف ٹی آئی ایس) تون اوار 10نمائش آتے ٹی پاکستان بشخ ہلیک ہرا ستمبر اٹی بیجنگ اٹی اڈ ہلیرہ۔ ٹیکسٹائل مصنوعات آتا بابت انٹرٹیکسٹائل شنگھائی لویس 21آن 23ستمبر آ گمانی ءُ۔ چین۔ آسیان ایکسپو (نایننگ اٹ) و 18می ویسٹرن چائنا انٹرنیشنل فیئر، ہڑتوم آ آن لائن سرجز آک ہم ہنداسال اٹی گمانی ءُ۔ پاکستان نا چاہندار آک اکتوبر اٹی چین نا شار چنگ ڈاؤ ٹی 25می چائنا سی فوڈ اینڈ فشریز ایکسپوٹی بشخ ہلیرہ۔ چائنا انٹرنیشنل امپورٹ ایکسپو(سی آئی آئی ای) اسہ آن لائن ایونٹ اس نومبر اٹی اڈ ایتک۔ اسہ پاکستانی ڈل اسے نا مارچ 2022ء ٹی چین اٹی انٹرٹیکسٹائل شنگھائی فیبرک اٹ بشخ ہلنگ گمانی ءِ۔ آن لائن چائنا امپورٹ اینڈ ایکسپورٹ میلہ(کینٹن میلہ) مارچ 2022اٹی مریک۔ بوٹ و سل انا بابت اسہ دود اس جون 2022ء ٹی چین نا شار گوانگ زوٹی فیزیکلی اڈ ہلیک ہرانا سہی تاریخ نا تعین ءِ ولدا کننگک۔ ٹی ڈی اے نا رداٹ جہانی نمائش آتا سالانہ کاروباری ڈٹ ءِ چین وافریقہ نا علاقہ غاتیا زیات چکار کننگ نا وزارت واپار نا پالیسی ءِ مون آ تخسا گڈیکو دروشم اس تننگانے۔
