اسلام آباد۔ 17اگست (اے پی پی) پاکستان و اٹلی نا نیام اٹ ہڑتوم آ کنڈآتا واپار نا کچ اٹی تدوک آ مالی سال اٹی ودکی مسنے، تدوک آ مالی سال اٹی اٹلی ءِ پاکستان برآمد آتے ٹی 2.85درسد وخت اس کہ اٹلی آن درآمد آتے ٹی 11.39درسد نا نمو مسنے۔ اسٹیٹ بینک انا کنڈآن دابابت جاری کروک حساب وکتاب نا رداٹ تدوک آ مالی سال اٹی اٹلی ءِ پاکستان برآمد آتا کچ 773.42ملین ڈالر ریکارڈ کننگا ہرا مالی سال 2020ء نا مقابلہ ٹی 2.85درسد زیات ءُ۔ مالی سال 2020ء ٹی اٹلی ءِ پاکستانی برآمد آتا کچ 751.92ملین ڈالر ریکارڈ کننگاسس۔ جون انا تُو اٹی اٹلی ءِ برآمد آتیان ملک ءِ 74.83ملین ڈالر نا زرمبادلہ ملا ہرا جون 2020ء نا مقابلہ ٹی زیات ءُ۔ جون 2020ء ٹی اٹلی ءِ برآمد آتیان ملک ءِ 60.55ملین ڈالر نا زرمبادلہ دوئی مسوسس۔ حساب وکتاب نا رداٹ تدوک آ مالی سال اٹی اٹلی آن درآمد آتے ٹی مالی سال 2020ء نا مقابلہ ٹی 11.39درسد نا ودکی مسنے۔ مالی سال 2020ء ٹی اٹلی آن 509.91ملین ڈالرنا درآمد کننگاسس ہرا مالی سال 2021ء ٹی ودسا 568ملین ڈالرمس۔ جون انا تُو اٹی اٹلی آن 73.93ملین ڈالر نا درآمد ریکارڈ کننگا، جون 2020ء ٹی اٹلی آن درآمد آتیا 73.93ملین ڈالر نا زرمبادلہ خڑچ مسوسس۔
