اسلام آباد۔ 17اگست (اے پی پی) تحریک انصاف آزاد جموں و کشمیرنا اومیتدار بیرسٹر سلطان محمود چوہدری 34وونٹ دوئی کرسا آزاد جموں و کشمیر نا 28می صدر گچین مس۔ سے شنبے نادے آ کانود ساز اسمبلی ٹی مروک آ وونٹنگ اٹی اونا مقابلہ ٹی متحدہ اپوزیشن نا اومیتدار میاں عبدالوحید ایڈووکیٹ 16وونٹ دوئی کرے۔ بیرسٹر سلطان محمود چوہدری تحریک انصاف آزاد جموں و کشمیر نا صدر ءِ۔ او داکان مست آزاد کشمیر نا وزیر اعظم ہم رہینگانے۔ او آزاد کشمیر کانود ساز اسمبلی نا ساڑی آ گچین کاری تیٹی حلقہ ایل اے 3میر پور 2آن باسک گچین مس۔