اسلام آباد۔ 16اگست (اے پی پی) وزیراعظم عمران خان دوشنبے نادے آ مچ آ پاکستان اٹی تعلیم نا بشخ اٹی طبقاتی بشخنگ ءِ چٹفنگ کن اسہ وڑ نصابِ تعلیم نا بناءِ کیک۔ وزیراعظم آفس نا میڈیا ونگ آن جاری بیان نا رداٹ راجی قدر، دودوربیدگ و مذہبی شرف، عملی زند انا پلو و کسبی تعلیم و کسب ہم نصاب نا اہم پلو ءُ۔ بیست ءُ یک می صدی تون ہم گرنچ نصاب طالب علم آتا مثبت تنقیدی سوچ و تخلیقی لائخی تے مون آ اتنگ اٹ کمکار مریک۔ حکومت نا ہرشاری ءِ شونداری نا اسہ وڑ وارخواہی فراوان کننگ نا وژن نا رداٹ، اسہ وڑ نصابِ تعلیم طبقاتی پرخ ءِ چٹفنگ اٹ اسہ اہم ءُ مزل نا نشان اس مریک۔ وزیراعظم دود اٹی مہمان خاص نا وڑاٹ بشخ ہلیک و داوخت آ دود آن تران ہم کیک۔
