اسلام آباد۔ 16اگست (اے پی پی) وزیراعظم عمران خان پارینے کہ ٹیکنالوجی نا بشخ انا برآمد آتے ٹی ودکی حکومت نا اولیت آتے ٹی اوار ءِ، حکومت انفارمیشن ٹیکنالوجی تون گنڈوک افرادی قوت ءِ آسراتی فراوان کننگ ءِ پک کننگ ءِ۔ اوداخیال آتا درشانی ءِ چیئرمین اسپیشل ٹیکنالوجی زونز اتھارٹی عامر ہاشمی تون گپ وتران کرسا کرے ہراوزیراعظم تون دوشنبے نادے آ داڑے اوڑدہی کرے۔ اواسلام آباد ٹیکنو پولس آ پیش رفت آ گپ وتران کریر۔ چیئرمین اسپیشل ٹیکنالوجی زونز اتھارٹی وزیراعظم ءِ پارے کہ ملکی و درملکی کمپنیک ٹیکنالوجی زون تیٹی زرکاری ٹی بھاز است خواہی نا درشانی ءِ کننگ ءُ۔ بنجائی دارالحکومت آن پد صوبائی دارالحکومت آتے ٹی زون تے جوڑ کننگک۔ وزیراعظم پارے کہ ٹیکنالوجی نا بشخ انا برآمد آتے ٹی ودکی حکومت نا اولیت آتے ٹی اوار ءِ، حکومت انفارمیشن ٹیکنالوجی تون گنڈوک افرادی قوت ءِ آسراتی تا فراوانی ءِ پک کننگ ءِ۔
