مستین نانصاب نا سوب آن راج اِرا تپہ غاتے ٹی بشخنگاسس، غلامی نا زمزیر آتے پرغنگ بھاز المی ءِ، وزیراعظم عمران خان

اسلام آباد۔ 16اگست (اے پی پی) وزیراعظم عمران خان طبقاتی بشخنگ نا چٹفنگ کن اسہ وڑ نصاب تعلیم نا بناءِ کرسا پارینے کہ آزادی آن پد چندی نصاب تعلیم رائج کرسا نن تینا زی آ ظلم کرین، مستین نا نصاب نا سوب آن راج اِراتپہ غاتے ٹی بشخنگاسس، غلامی نا زمزیر آتے پرغنگ بھاز المی ءِ، غلام ذہن وخت اس ہم بھلو کاریم کننگ کپک، مستین نا نصاب تعلیم آن ملکی اشرافیہ فائدہ ہرفیکہ، اسہ وڑ نصاب تعلیم آن ورناتے ٹی اخلاقی وڑتے گچین کننگ ءِ، تعلیم تون اوار اوار انسانیت و اخلاقیات ءِ ہم گچین کروئی مریک، اقلیت آتے ہم اوفتا تینا تینا مذہب آتا بایدے تعلیم تننگے۔ داخیال آتا درشانی ءِ او دوشنبے نادے آ مچ آ پاکستان اٹی اسہ وڑ نصاب تعلیم نا بناءِ کننگ نا دود آن تران کرسا کرے۔ وزیراعظم پارے کہ مستین نا نصاب نا سوب آن راج اِراتپہ غاتے ٹی بشخنگاسس۔ غلام ذہن وخت اس کہ بھلو کاریم کننگ کپک۔ وزیراعظم پارے کہ اسہ وڑ نصاب تعلیم آن ورناتے ٹی اخلاقی وڑتے گچین کننگ ءِ۔ پین قوم اسے نا کلچر ءِ تینا کننگ ذہنی غلامی نا نشانی ءِ۔ ننے سماءِ کہ اسہ وڑ نصاب تعلیم نا نافذ کننگ اٹ مشکل پیش بریک۔ مستین نا نصاب نا سوب آن راج 2تپہ غاتے ٹی بشخنگاسس۔ پاکستان اٹ اسہ وڑ نصاب رائج کننگ کنا تغ ئس۔ مستین نا نصاب تعلیم اٹ ملکی اشرافیہ فائدہ ہرفیکہ۔ ننے سماءِ کہ اسہ وڑ نصاب تعلیم نا نافذ کننگ اٹ مشکل پیش بریک۔ پین قوم اسے نا کلچر ءِ تینا کننگ ذہنی غلامی نا نشانی ءِ۔ غلام ذہن وخت اس کہ بھلو کاریم کننگ کپک۔ اوپارے کہ غلامی نا زمزیر آتے پرغنگ ہم بھاز المی ءِ۔ نصاب اٹ سیرت النبی ﷺ آ کاریم ءِ زوت پورو کننگک۔ وزیراعظم پارے کہ اقلیت آتے ہم اوفتا تینا تینا مذہب آتا تعلیم بایدے تننگے۔ غٹ مذہب آک انسانیت نا سبخ ایترہ۔ تعلیم تون انسانیت و اخلاقیات ءِ گچین کروئی مریک۔