اسلام آباد۔ 16اگست (اے پی پی) بنجائی وزیر حوالکاری و شینکاری چوہدری فواد حسین تون کمیٹی ٹو پروٹیکٹ جرنلسٹس (سی پی جے) نا سروک سٹیون بٹلر دوشنبے نادے آ رابطہ کرسا اوغانستان آن جہانی صحافی تا پیش تمنگ اٹ کمک فراوان کننگ آ منت واری ءِ ہرفے۔ داوخت آ گپ وتران کرسا بنجائی وزیر حوالکاری پارے کہ پاکستان مچ آ دنیا ٹی آجوئی صحافت و صحافی و میڈیا تون گنڈوک کارندہ غاتا رکھ انا مخ تف ءِ۔ اوپارے کہ پاکستان صحافی تا حق انا بابت تینا جہانی زمواری تیان جوانی اٹ معلومدار ءِ۔ اوغانستان اٹی جہانی میڈیا نا باسک آتے پیش تمنگ اٹ کمک فراوان کننگ کن خصوصی ءُ سیل اس جوڑ کرینن۔ سٹیون بٹلر پارے کہ پاکستان مشکل وخت اٹی جہانی صحافی تا پیش تمنگ اٹ زموارانہ کڑد ادا کرے ہرا ستاکڑزک۔
