اسلام آباد۔ 16اگست (اے پی پی) زالبول آتا تعلیم کن سرگرم کارندہ ملالہ یوسفزئی دوشنبے نادے آ بنجائی وزیر حوالکاری چوہدری فواد حسین ءِ ٹیل فون کرے و اوغانستان اٹی زالبول آتا حق انا بابت جہانی گڑتی تیا گپ وتران کرے۔ بنجائی وزیر حوالکاری پارے کہ پاکستان اوغانستان اٹی تعلیم نا مون آ دننگ کن تینا کمک ءِ برجاتخک۔ پاکستان اوغان پناہ گزین آتا چناتے تعلیمی آسراتی فراوان کننگ ءِ، داوخت آ شش ہزار نا خڑک اوغان چناک پاکستان اٹی خواننگ ءُّ۔ ملالہ یوسفزئی پارے کہ اوغانستان اٹی زالبول آتا تعلیم کن پاکستان تینا کڑد ءِ ادا کے۔ اوپارے کہ ای وزیراعظم پاکستان ءِ اوغانستان اٹی زالبول آتا تعلیم کن پاکستان نا کڑد انا بابت چھٹی اس ہم نوشتہ کرینٹ۔
