اسلام آباد۔ 16اگست (اے پی پی) پاکستان اوغان راہشون تیا زور شاغانے کہ ساڑی آ حالیت آتا مون ءِ توننگ و اوغانستان اٹی پائیدار امن و سوگوی کن اواری اٹ کاریم کیر۔ دوشنبے نادے آ اسہ بیان اسے ٹی دفترخارجہ نا ترجمان زاہد حفیظ چوہدری پارے کہ پاکستان داہیت آ پدریسہ زور شاغسا کرینے کہ وغان جھیڑہ نا سیاسی ایسر المی ءِ وپاکستان دا ہدف ءِ مون آ دننگ اٹ تینا تعمیری کڑد ءِ ادا کرسا کیک۔ ترجمان پارے کہ اوغانستان اٹی دیرپا امن و سوگوی نا دوئی کننگ و کیہی دہائی تیان برجا جھیڑہ نا چٹفنگ جہانی برادری نا اسیجائی زمواری ءِ۔ اواومیت ظاہر کرے کہ اجتماعی کوشست اوغانستان اٹی دیرپاامن، شونداری و شونہالی اتنگ اٹ کمکار مریک۔
