ملک اٹ تیل و گیس انا پٹنگ کن او جی ڈی سی ایل ءِ پنچ لیسن تا جاری کننگ نا معاہدہ غادستخط، حکومت درآمدی تیل و گیس آ سیبو ءِ کم کننگ خواہک، حماد اظہر

اسلام آباد۔ 16اگست (اے پی پی) آئل اینڈ گیس ڈویلپمنٹ کمپنی ءِ ملک اٹ تیل و گیس انا پٹنگ کن پنچ لیسن جاری کننگانے۔ دا بابت اسلام آباد اٹی معاہدہ غا سیکرٹری پٹرولیم ڈاکٹر ارشد محمود و اوجی ڈی سی ایل نا منیجنگ ڈائریکٹر شاہد سلیم خان ئسک دستخط کریر۔ معاہدہ نا رداٹ او جی ڈی سی ایل حضرو، وہاڑی، ستلج، کھیواڑی ایسٹ و نوشہرہ بلاک اٹی تیل و گیس انا پٹنگ نا کاریم ءِ کیرہ۔ داوخت آ وزیر توانائی حماد اظہر پارے کہ حکومت درآمدی تیل و گیس آ سیبو ءِ کم کننگ خواہک ہنداخاطرآن اوجی ڈی سی ایل ءِ پنچ لیسن جاری کننگانے۔ اوپارے کہ تیل و گیس انا پٹنگ نا علاقہ غاتا راجی اقتصادی شونداری کن او جی ڈی سی ایل کروڑ آ روپئی خڑچ کیک۔ اودااومیت نا درشانی ءِ کرے کہ پنچ بلاک آتے ٹی تیل و گیس انا تیل اٹی سرسہبی ملک۔