اسلام آباد۔15اگست (اے پی پی): بنجاھی وزیر اھوالکاری ءُ شنگ کاری چوہدری فواد حیسن ءَ گوشت کہ ڈیجیٹل میڈیا ءَ گوں مئے آیوکیں باندات بندوک انت، ففتھ جنریشن ءُ ہائبرڈ وار یک راستی ات، پاکستان یک نیمگ ءِ بھارت ءُ دومی نیمگ ءَ اوگانستان انت، اے رد ءَ مئے پڑ ءَ لستیں مشکل ءُ سکی آنی گوما دیم پہ دیمی انت۔ مارا راستی آنی رد ءَ پیسلہ کنگ لوٹ ایت، وت مہ وت جنگ ءُ چوپ ءِ آس ءِ دمینوک آنی پاگواجہ بھارت ءَ نندوکیں پاکستان ءِ ھلاپ کنوک نیگ انت۔ ریاست ءِ ھلاپ ءَ گپ جنوک آناں بھارت ءَ چہ سپورٹ رستگ، ڈیجیٹل میڈیا ونگ ءِ رپوٹ ءَ پاکستان ءِ استیں ہائبرڈ وار ءِ یک لکا ءِ پیش دارگ بوتگ۔ اے ھیالانی درشانی آئی ءَ ڈیجیٹل میڈیا ءَ گوں تران کنان ءَ کت۔ بنجاھی وزیر اھوالکاری ءَ گوشت کہ امریکہ مرچی سپر پاور ھمے واستہ انت کہ ایشیءِ ھمساھگ آنی تہ ءَ ایمنی انت۔ وھدیکہ پاکستان ءِ یک نیمگ ءِ بھارت ءُ دومی نیمگ ءَ اوگانستان انت۔ اے رد ءَ مئے پڑ ءَ را لستیں است انت۔ مارا وتی زمینی راستی آنی رد ءَ پیسلہ کنگ لوٹ ایت۔
