اسلام آباد۔15اگست (اے پی پی): مزن وزیر عمران خان ءَ گوشت کہ چاگرد ءَ را معاشی رنگ ءَ گریب ءُ ھمزوریں تبک ءِ مردم آنی زندمان ءِ کد ءُ بالاد ءَ را برز ءُ بلند کنگ اولی کار آںی تہ ءَ ھوار انت، مزن وزیر ءَ اے گپ یک شمبے ءِ روچ ءَ ٹویٹر ءِ سر ءَ جاڑٰی بوتگیں بیان ءِ تہ ءَ گوشتگ۔ مزن وزیر ءَ وتی ٹویٹ ءَ کباڑی ءِ کار کنوکیں یک سائیکل ءَ سواریں زھگ ءِ اکس ءَ را شیئر کت آئی ءِ سائیکل ءِ سر ءَ ملک ءِ بیرک ٹنگ اتگ ات۔ مزن وزیر ءَ گوشت کہ انشاء اللہ اے ھما پاکستانی انت کہ ایشانی زندمان ءِ کد ءُ بالاد ءَ را برز کنگ اولی کار انت۔ مزن وزیر ءَ گوشت کہ اے رنگیں پاکستانی آناں مئے ریاست ءَ ڈلگچار نہ کتگ۔
