اسلام آباد۔14اگست (اے پی پی):صدرمملکت ڈاکٹر عارف علوی ءَ گوشت کہ اللہ پاک ءَ مئے راج ءَ را دیمروئی کنوکیں ملک آںی لڑ ءَ آیگ ءُ اوشتگ ءِ ازم ءِ داد داتگ، ایشی ءَ چہ سیت چست کنگ لوٹ ایت، دروگیں ھال آں چہ رکھگ ءَ ملک ءِ دیمروئی ءَ وتی کرد ءِ پیلو بکن ات، اللہ پاک ءِ لک لک شگر انت کہ آئی ءَ مسلمان ءُ ہندو آناں سکیں ساھت ءَ چہ رکھینتگ ءُ یک راجے ءِ رنگ ءَ آزاتیں وطن ءِ تہ ءَ نپس کشگ ءِ ھک داتگ، آزاتی سکیں ٹوھیں نعمت ات ایشی یے مارا سما انت۔ آزاتی ءِ واستہ برصغیر ءِ زمین مسلمان آنی ھون ءَ چہ سہر بوتگ، قیام ءِ پاکستنا ءَ سر سید احمد علی جوہر ءُ علامہ محمد اقبال ءَ سرشاہ محمد سلطان شاہ، محمد آغا خان، مولانا محمد علی جوہر ءُ علامہ محمد اقبال ءَ پاکستان ءِ جوڑیشت ءِ پگری بنیات ایر کتگ، لیاقت علی خان ءُ قائداعظم محمد علی جناح ءَ آزاتی ءِ در جنگ ءِ واستہ گیشاں چہ گیش ازمت کتگ ءُ قربانی داتگ ایشی ءِ برورد انت کہ مرچی ما آزاتیں ملک ءَ نپس کشگ ءَ آں۔
