ملتان۔14اگست (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستنا مرچی روبرکتی دگنیا ءَ اسلامو فوبیا ءِ گیش بوھوکیں جاور آنی ھلاپ ءَ توامیں مسلمان آنی گوانک جوڑ بوتگ۔ فلسطین ءِ جیڈھ ءِ رد ءَ آسری رھبند وتی کتگ۔ بھارتی گیر کانودی آوار جتگیں جموں ءُ کشمیر ءَ بےکسوریں کشمیری آنی سر ءَ زوراکی ءُ لگت مالی ءُ بنی آدمی ھک آنی ھلاپ کنگ ءِ واکیہ آناں دگنیا ءِ دیم ءَ سہرا کتگ۔ اوگانستان ءَ ایمنی ءِ واستہ کوشست کنوکیں میاں اوستمانی یکوئی ءِ بھر انت۔ پاکستان ءَ ھوار پڑ ءَ ایمنی ءِ واھشت مئے اولی کار آنی تہ ءَ ھوار انت۔ راج ءَ را یوم پاکستان ءِ مبارک بات ءَ پیش کناں ءُ بابائے راج ءُ پاکستان ءِ جوڑیشت ءِ پڑ ءَ جہد کنوکیں باھند آناں توسیپ ءُ ستا پیش کناں۔ 14 اگست ءِ روچ ءَ بیرک ءِ ٹنگگ ءَ ھوالر کیساگری ءُ ساپ ءُ سلہ ءِ روچ ھم برجم دارگ لوٹ ایت۔ مارا ملکی دیمروئی ءِ واستہ ایمانداری ، راستی ءُ ساپ نیتی ءِ کوشست کنگ لوٹ ایت۔ گڈا ما قائداعظم محمد علی جناح ءِ رھبند آنی وڑ ءَ پاکستان ءَ را جوڑ کت کناں۔
