اسلام آباد۔14اگست (اے پی پی):صدر مملکت ڈاکٹر عارف علوی سئے روچی تر ءُ تاب ءِ ھاترا شمبے ءِ روچ ءَ استنبول ءَ پج ات۔ استنبول ءِ گورنر علی یرلکایا، ٹوھیں ترک سروک ءُ ترکی ءَ پاکستن ءِ سفیر سائرس قاضی ءَ اتاترک ائیر پورٹ ءِ سر ءَ صدر ءِ مملکت ءَ را وش اتک کت۔ صدر ءِ مملکت ءِ آیگ ءِ پد ءَ ترک سلاھ بندیں ارد آں آئی ءَ را گارڈ آف آنر پیش کت۔ صدر ءِ مملکت ءَ ترک صدر رجب طیب اردوان ءِ داتگیں دعوت ءِ پد ءَ 14 ءَ بگر تاں 16 اگست ءَ تاں ترکی ءِ تر ءُ تاب ءَ کنگ ءَ انت۔ آ اے ساھت ءَ ترکی ءِ صدر ءَ گوں گند ءُ نند کنت۔ دوئیں صدر پاکستسان نیوری ءِ واستہ ترکی ءِ نیمگ ءَ چہ تیار کتگیں ملجم کلاس کوریویٹ ءِ بنگیج ءَ ھم کن انت۔ دوئیں ملک آنی نیام ءَ اقتصادی کمک آنی دیمروئی ءِ واستہ صدر ءِ مملکت نامداریں ترک تاجر آں گوں ھم گند ءُ نند ھم کنت۔ درئی کارانی کارگس ءِ رد ءَ دوئیں براتیں ملک آنی نیام ءَ گہتریں یکوئی برجا انت ءُ صدر ءِ مملکت ءِ اے تر ءُ تاب ترکی ءِ گوما براتی آناں گیش مھکم ءُ برجم کنت۔
