ملکی تاریخ ءَ اولی رند ءَ خورد برد، کرپشن ءُ دھکان آنی لُٹ ءُ پُل کنوک آنی کیساسگری کمیشن ءَ 81 شوگر مل آناں 44 ارب کلدار ءِ جرمانہ کتگ، ڈاکٹر شہباز گل

لاہور۔14اگست (اے پی پی): مزن وزیر ءِ ھاسیں کمکار ڈاکٹر شہباز گل ءَ گوشت کہ پاکستان ءِ راجدپتر ءَ اولی رند ءَ  خورد برد ، کرپشن ءُ دھکان آںی لُٹ ءُ پُل کنوک آنی کیساسگری کمیشن ءَ  81 شوگر مل آناں 44 ارب کلدار ءِ جرمانہ کتگ۔  کانود درستانی واستہ ھمکچ انت  ھرکس ءَ جرم کتگ آئی ءَ را سزا رس ایت۔  مدام شکر ءِ  مالک آں حکومت ءَ را بلیک میل کتگ  سبسڈی گپتگ  بلے ایوکیں سروک مزن وزیر عمران خان انت  کہ آئی ءَ  را کس ءَ بلیک میل کت نہ کتگ۔ آ شمبے ءِ رو چ ءَ پریس انفارمیشن ڈیپارٹمنٹ  لاہور ءَ پریس کانفرنس ءَ  گوں گشتانک دیگ ءَ ات۔