اسلام آباد۔14اگست (اے پی پی): بنجاھی وزیر اھوالکاری ءُ شنگ کاری چوہدری فواد حیسن ءَ گوشت کہ پاکستان اوگانستان ءَ ایمنی لوٹ ایت، اوگانستان ءَ مٹ ءُ بدلی ءِ جاور ھال آنی سر ءَ جھلانکیں نگا ایر انت۔ مزن وزیر عمران خان ءِ اوگانستان ءَ ھواریں حکومت ءِ شور ءُ مشور ءَ را بہ من اتیں گڈا اوگانستان ءِ جاور ھال جتا بوتگ اتاں۔ نریندر مودی ءِ حکومت ءَ بھارتی الس یوم ءِ سیاہ ءِ سیاہ برجم داشت کناں۔ کوویڈ ءِ ساھت ءَ بھارت ءَ بوھوکیں جانی ءُ مالی تاوان ءِ زمہ وار نریندر مودی ءِ سر ءَ پر کنگ بیت۔ پاکستان ءِ جوڑ بوھگ ءَ بگر تاں انوگ ءَ تاں سفر دراج بریں قربانی ءُ جہد ءُ کوشست آنی انت، راج دل یکیمی بدار ایت کہ عمران خان ءِ سروکی ءَ ملک دیمروئی ءِ نیمگ ءَ رھادگ انت۔ پاکستن ءِ آیوکیں باندات برجم، آجوئی ءُ دیمروئی کنوکیں راج ایگ انت۔ اے ھیالانی درشانی آئی ءَ شمبے ءِ روچ ءَ ادا آجوئی کپ 2021 ءِ داد آنی بھر ءُ بانگ ءِ مراگش ءَ گوں گشتانک دیان ءَ کت۔ بنجاھی وزیر اھوالکاری ءُ شنگ کاری ءَ گوشت کہ کراچی ءَ چہ خیبر ءَ تاں سرجمیں ملک ءَ آجوئی ءِ روچ ءَ را گوں جوش ءُ جوزگ ءَ گوں برجمینگ بوھگ ءَ انت۔ مرچی میچ آجوئی ءِ وشی آنی تہ ءَ گیشی کنگ ءِ سبب جوڑ بوتگ، اے میچ مئے آجوئی آنی برورد انت۔ آئی ءَ گوشت کہ سرجمیں راج یوم آزاتی ءِ درگت ءَ مبارک بات پیش کناں۔
