کوئٹہ۔ 13اگست (اے پی پی) بلوچستان عوامی پارٹی نا مرکزی سینئر نائب صدر مسکوہی صوبائی وزیر میر عبدالغفور لہڑی و صوبائی سلاہکار خواری و افرادی قوت حاجی محمد خان لہڑی ئسک پارینو کہ 14اگست جشن آزادی ءِ الس شایان شان و جم و جوش حب الوطنی اٹ اڈ ترسا دنیا ءِ زندہ قوم اس مننگ نا کلہو ایتے آجوئی غٹ آن بھلا نعمت ءِ آزادی نا سوب آن انسان تینا مذہب عقیدہ و دودوربیدگ ءِ قائم و دائم تخنگ کیک آزادی نا قدر ءِ ہمو قوم تیان اَرفنگے ہرا غلامی نا زند ءِ تیر کننگ ءُ، پاکستان ءِ جتا ءُ ملک اس جوڑ کننگ کن ننا سرکڑدہ غاک قائد اعظم محمد علی جناح تون ہم کوپہ قربانی ترسا آجوئی کون آ نعمت ءِ ننے تسر داملک ننے بھلو جہد و عظیم قربانی تا سوب آن ملانے اینو نن اللہ نا شکر ءِ ادا کرسا داملک انا قدر ءِ کین، ہراڑے اینو نن آزاد فضاٹی ساہ ہلنگ اُن۔ و پاکستان آ دنیا نا غٹ امت مسلمہ گمر کننگ ءِ کہ دا ملک اسہ ایٹمی قوت اس مرسا دنیا ٹی مون آ بسنے، اوفک پاریر کہ ملک انا دفاع ناقابل تسخیر مننگ نا سوب آن کس اس ہم اودے خراب انگا نظر اٹ ہُننگ نا جرات کننگ کپک ببو قول کین کہ وطن عزیز ءِ شونداری و شونہالی نا کنڈآ دننگ کن اسہ بے مٹ ءُ قوم اسے نا کڑد ءِ ادا کین۔
