کوئٹہ۔ 13اگست (اے پی پی) صوبائی وزیر داخلہ بلوچستان میر ضیاء اللہ لانگو پارینے کہ بلوچستان اٹی بدامنی تالان کننگ کن اوغانستان نا گل زمین ءِ کاریم اٹ اتنگ انگ ءِ، سیکورٹی فورس آک سیکورٹی ءِ پین سخت کرینو۔ داہیت ءِ او میڈیا نا نمائندہ غاتون ہیت کرسا پارے۔ اوپارے کہ اوغانستان بارڈر نا اوکنڈآن ہرا دہشت گردی پاکستان نا برخلاف مننگ ءِ حکومت و فورس آک ہروڑنا دہشت گردی تون مون تننگ کن تیار ءُ، دہشت گرد آک کودک مخلوق ءِ شست کننگ انگ ءِ، ننا سیکورٹی فورس آک الس نا جان و مال ءِ مون آ تخسا ہراقربانی تے تسنو و ہرا گام گیج آتے کرینو او غٹ انا مون آٹو، اوپارے کہ سیکورٹی پلان ءِ پین سخت کرسا پرمان جاری کرینن، و کوئٹہ تون اوار مچ آ بلوچستان اٹی سیکورٹی نا فل پروف بست و بند کرینن۔
