کوئٹہ۔ 13اگست (اے پی پی) وزیراعلیٰ بلوچستان جام کمال خان پارینے کہ اسپیکر صوبائی اسمبلی قدوس بزنجو صاحب غٹ آن مست تینا زمواری تے اسہ اسپیکر اسے نا حیثیت اٹ سہی وڑاٹ پورو کے، انت مگہ وخت اس ہم ہاؤس داخہ غیر زمواری، غیر سنجیدہ، ملنڈ و بے است خواہی آن چلینگانے، ہراکہ داسہ چلینگ انگ ءِ۔ داخیال آتا درشانی ءِ او وزیراعلیٰ ہاؤس آن جاری بیان اٹی کرے۔ وزیراعلیٰ بلوچستان جام کمال پارے کہ بلوچستان اسمبلی آ ساڑی آ جلہو نا واقعہ نا پورو زمواری اسپیکر آ مریک ہراخڑک آ سرینا ہوٹل اٹ تولسا تماشہ ءِ ہراکہ۔ خواجہ تینا حلقہ غا چکار کے ہراڑے او مسہ سال اٹ اسہ وار اس ہم ہمونگیا ہِنتے، اوپارے کہ ہرا بندغ نئے تینا حلقہ ءِ چلیفنگ کرے و نئے اسمبلی ءِ، او رتینا چنائی آ مشورہ غاتے تین تون تخے و کاریم آ چکار کے۔ وزیراعلیٰ بلوچستان مستی پارے کہ آواران ءِ بھسکاری اسکان دروک آ بندغ خواہک کہ صوبہ نا حال ءِ ہم ہنداوڑ کے، ای اسہ غیر سنجیدہ ءُ بندغ اسے نا دوتے اٹ آواران ءِ داوڑ بے یارو مدد گار ہلنگ کپرہ۔ اوپارے کہ لٹ و پل نا بازار گرم مرے، اسکیم آک تباہ مریر نن ہچس کپن۔ داوڑ مننگ کپک۔ وزیراعلیٰ بلوچستان پارے کہ حکومت مہالو ہم ایکشن ہلکونے و داسہ ہم ہلیک۔ ہراڑے کاریم نا نزوری مریک حکومت ہموڑے ایکشن ہلیک، چائے کنا حلقہ یا ضلع ہی مرے۔ اوپارے کہ پارٹی الحمداللہ بھاز گچین ءِ، انت کہ نسخان اس داتم اسکان مسنے اوٹی قدوس بزنجو نا سازش آتا اسہ بھلو دُواسے۔ ہرابندغ اولیکو دے آن پارٹی ءِ پرغنگ نا نیت اٹ برے او ننے پارٹی نا رغامپ۔ وزیراعلیٰ بلوچستان جام کمال خان پارے کہ سگ انا حد اس مریک، قدوس بزنجونا وار وار انا راگ آک غٹ آ پاش مسنو۔
