اسلام آباد۔ 13اگست (اے پی پی) بینک آتا کنڈآن نجی بشخ ءِ وام تا فراوانی ٹی تدوک آ مالی سال اٹی 12درسد ودکی مسنے۔ اسٹیٹ بینک آف پاکستان (ایس بی پی) نا رپورٹ نا رداٹ مالی سال 2020انا ایسر آ نجی بشخ ءِ تروک آ وام تا کچ 6.08کھرب روپئی ئس ولے تدوک آ مالی سال انا چٹنگ آ بینک آتا کنڈآن نجی بشخ ءِ تروک آ وام تا کچ 6.82کھرب روپئی اسکان ودا۔ ہنداوڑ مالی سال 2020ء نا مقابلہ ٹی تدوک آ مالی سال اٹی بینک آتا کنڈآن نجی بشخ ءِ وام تا فراوانی ٹی 741ارب روپئی یعنی 12درسد ودکی ریکارڈ کننگانے۔
