اسلام آباد۔ 12اگست (اے پی پی) کینیڈین ایئر ٹرانسپورٹ کمپنی پی آئی اے نا آپریشنل باندات آتے جہانی آب انا رداٹ گوندا، کمپنی پی آئی اے نا سیفٹی آڈٹ ءِ پورو کرسا رپورٹ جاری کرے۔ پی آئی اے نا ترجمان عبداللہ خان نا کنڈآن جاری اعلامیہ نا رداٹ پی آئی اے نا بابت جوان ءُ خبر اس دوئی مسنے و پی آئی اے فلائٹ و ایئروردیننس آپریشن نا بابت غٹ گڑتی تے مر کرینے۔ کینیڈین کمامدارآک تینا رپورٹ ءِ پی آئی اے نا چیف ایگزیکٹو آفیسر ایئرمارشل ارشد ملک ءِ مون تسنو۔ ترجمان پارے کہ پاکستان آ یورپی ایجنسی نا کنڈآن پابندی آن پد ٹرانسپورٹ کینیڈا اگست 2020ء ٹی پی آئی اے نا جتا آڈٹ ءِ کرینے، دا آڈٹ ءِ کینیڈا ٹرانسپورٹ نا فارن آپریشن ڈویژن ایئروردیننس پورو کرے۔ پی آئی اے فلائٹ و ایئر وردیننس آپریشن نا بابت غٹ گڑتی تے مر کرینے و تدوک آ سال اٹی پی آئی اے فلائٹ سیفٹی کارکڑد ءِ ودفینے، ہراناامنائی ءِ کینیڈا ٹرانسپورٹ آڈٹ نا دا رپورٹ اٹ کننگانے۔ ترجمان پی آئی اے پارے کہ کینیڈا ٹرانسپورٹ آڈٹ رپورٹ اٹی دااومیت نا درشانی ءِ کننگانے کہ پی آئی اے فلائٹ آپریشن نا داکارکڑد ءِ برجاتخک۔ کینیڈا ٹرانسپورٹ داآڈٹ جہانی شاری ہوابازی نا ادارہ نا مخصوص ایئروردی نیس عناصر و مروجہ قاعدہ نا رداٹ کرینے۔ داکان مست ایاٹاآپریشنل سیفٹی آڈٹ (آئی او ایس اے) مہالوآن پی آئی اے ءِ 2023اسکان آپریشنل سیفٹی سرٹیفکیٹ جاری کرینے۔ یات سلے کہ پی آئی اے تینا فضائی آپریشن کینیڈا کن برجاتخانے۔
