اسلام آباد۔ 12اگست (اے پی پی) بنجائی وزیر توانائی حماد اظہر پارینے کہ ملک اٹ بجلی نا پیدوار و فراوانی ریکارڈ 24ہزار 467میگاواٹ اسکان سرمس، ساڑی آ تیرمہ نا موسم اٹ بجلی نا اوسط خواست و فراوانی ٹی تدوک آ سال انا نسبت 20درسد ودکی مس۔ پنچ شنبے نادے آ تینا ٹویٹ اٹی اوپارے کہ ملک اٹی بجلی نا پیدوار و فراوانی 24ہزار 467میگاواٹ اسکان سرمسنے ہرااسہ ریکارڈ اسے اوپارے کہ تدوک آسال ملک اٹی بجلی نا اسہ دے اٹی پیدوار و فراوانی 23ہزار 370میگاواٹ ئسک۔ بنجائی وزیر پارے کہ 2018ٹی بجلی نا فراوانی بیرہ 20ہزار 811میگاواٹ ئس۔ ساڑی آ تیرمہ نا موسم اٹ بجلی نا اوسط خواست و فراوانی تدوک آ سال انا نسبت 20درسد زیاتءِ۔
