راولپنڈی۔ 12اگست (اے پی پی) بنجائی وزیر داخلہ شیخ رشید احمد پارینے کہ میاں نواز شریف وطن آ پدی برسا الس ءِ حقیقت آن معلومدار کے، محرم الحرام اٹی بے چیٹی تالان کروک آتے اسل سگپنہ،راولپنڈی نا پوریاگرآک محرم الحرام نا جلوس آتے کن ہروارآنبار پبی کمک کیرہ، کورونا دین انا چارمیکو ریسہ نارداٹ ہسپتال آتے ٹی وینٹی لیٹرآتا کچ ءِ ودفنگانے، الس ءِ درمان نا گچین آسراتی کن اسہ بھلو ہسپتال اسے نا کاریم دسمبر اٹ بناکیک۔ داخیال آتا درشانی ءِ او پنچ شنبے نادے آ ہولی فیملی ہسپتال راولپنڈی ٹی پوسکن آ وارڈانا بناءِ کننگ آن پد صحافی تتون گپ وتران کرسا کرے۔ شیخ رشید احمد پارے کہ اینو نن 20پوسکن ءُ وینٹی لیٹر این او سی فراوان کرینن انتئے کہ داوخت آ کورونا دین انا چارمیکو ریسہ نا سوب آن راولپنڈی ٹی کورونا دین ودنگ ءِ و داسہ داڑے 85وینٹی لیٹر مسنو وخت اس کہ 15وینٹی لیٹر ننے پین ملک۔ اوپارے کہ راولپنڈی ٹی ارٹ میکو بھلا ہسپتال نا کاریم نادسمبراسکان بناءِ کننگک۔ اوپارے کہ راولپنڈی نا پوریاگر و دوکان دار آتے پاوہ کہ او محرم الحرام نا سوب آن کمک کیر۔ محرم الحرام نا جلوس آتے ٹی ہروڑنا بے چیٹی ءِ سگنگ پننگک۔ محرم الحرام نا بابت لاہور آ کاوہ و وزارت داخلہ نا چھٹی تے ہم منسوخ کننگانے۔ 40سال آن لال حویلی آ مروک آ جلسہ محرم الحرام نا سوب آن منسوخ کننگا۔ اوغان سفیر نا مسڑ نا بابت مچ آ شاہدی و فوٹیج آک ننتون ساڑی ءُ۔ نورمقدم نا ہراسٹ خونی ءِ اونا فرانزک رپورٹ ملا و میچ ہم تما و داکیس اٹی لمہ و باوہ تون اوار غٹ دوبہ دار آتا پن ءِ ای سی ایل اٹ اوار کننگانے۔ شیخ رشید احمد پارے کہ میاں نواز شریف تینٹ پاکستان آ پدی برے و برسا تینا قوم ءِ سچ پائے وخت اس کہ شہباز شریف داتم اسکان اپیل کتنے و نواز شریف ءِ پدی بروئی تمک۔ پی ڈی ایم ءِ پاننگ خواوہ کہ پاکستان اسہ اہم ءُ رول اس پلے کننگ والا ءِ۔
