اسلام آباد۔12اگست (اے پی پی): مزن وزیر عمران خان تربیلا 5 پراہ ء ُ شائیگان کنگ ءِ منصوبہ ءِ بن اِشت ءَ را ایرکنگ ءِ ھاترءَ تربیلا ءَ سربوتگ۔ مزن وزیر کارگس ءِ میڈیا ونگ ءَچہ جاری بیان ءِ ردءَ تربیلا 5 پراہ ء ُ شائیگان کنگ ءِ منصوبہ ءِ بن اِشت ایر کنگ ءِ ھاترءَ تربیلا ءَ سربوت۔ ورلڈبنک ء ُ ایشین انفراسٹرکچر انویسٹمنٹ بنک منصوبہ ءِ جوڑ کنگ ءِ ھاترءَ مالی کمک کنگ ءَ اِنت۔ منصوبہ کسانیں مدتے ءَ 2024 ءَ سرجم کنگ بیت۔ تربیلا پراہ ءُ شائیگانی منصوبہ ءَ چہ 1530 میگاواٹ چاگرد دوستیں ء ُ ارزانیں پن بجلی حاصل بیت۔ منصوبہ ہمک سال نیشنل گرڈ ءَ را یک ارب 34 کروڑ یونٹ ارزانیں بجلی دنت۔ تربیلا 5 پراہ ءُ شائیگانی ءِ منصوبہ ءِ برکت ءَ روزگارءِ 3 ہزار موہ ودی بنت۔ منصوبہ ءَ چہ تربیلا ءَ چہ 4 ہزار 888 میگاواٹ ءَچہ گیش بیت ءُ 6 ہزار 418 میگاواٹ بیت۔ اے منصوبہ ءَ چہ پاکستان ءِ آپ، وردن ء ُوراک ءُ توانائی ءِ حاسیں ضلورتاں پورا کنگ ءَ حاسیں کرد پیلو کنت۔
