اسلام آباد۔12اگست (اے پی پی): حال ءُ اھیوال کاری ءُ شنگکاری ءِ وزیر فرخ حبیب ءَگشتگ کہ مزن وزیر عمران خان اے وہدءَ پاکستان ءَ یکیں لیڈر اِنت کہ پہ آیوکیں نسل آنی ھاترءَ موسمیاتی مٹءُ بدلی ءَ را گرءُدار کنگ ءِ ھاترءَ گامگیج چست کنگ ءَاِنت، آپ ءِ مُچ کنگ ءُ ارزانیں پن بجلی جوڑ کنگ ءِمنصوبہ جوڑ کنگ، راج دپتر اے گپ ءِ گواہ اِنت کہ 1967 ءَ پد پاکستان ءَ مزنیں ڈیم جوڑ نابوتگ، تربیلا ءِ پنچمی پراہ ءُ شائیگانی ءِ منصوبہ 807 ملین ڈالر ءِحرچ ءَچہ 2024 ءَ سرجم بیت، اے منصوبہ ءَچہ بجلی 4 ہزار 888 میگاواٹ ءَ چہ گیش بیت ءُ 6 ہزار 418 میگاواٹ بیت۔ آئی ءَ گشتگ کہ دیامر بھاشا ڈیم، دہاسوہائیڈروپاور، مہمند ڈیم ، ہرپور پاور پراجیکٹ،کچی کینال،سندھ بیراج، کے فور واٹر سپلائی پراجیکٹ،کرم تنگی ڈیم ،سندھ بیراج ءُ نوکیں گنج ڈیم پراجیکٹ ءِ سرءَ کار جاری اِنت، آپی ذخائر ءِ اے 10 منصوبہ سرجم بوہگ ءَ ملک ءَ یک کروڑ 28 لکھ 90 ایکٹر فٹ آپ بیت۔ آئی ءَ گشتگ کہ اے منصوبہ آں چہ ارزانیں بجلی ءِ پیداوار ءَ 9043میگا واٹ گیش، 35 ہزار ءَ چہ گیش روزگارءِموہ رسیت۔ ملکی وزیر فرخ حبیب ءَ گشتگ کہ عمران خان ءِ ھاترءَ درائیں بنجاہی دھکان یک کچ اَنت، آ درست یک وڑیں دیمروئی ءِ لوٹوک اَنت۔
