اسلام آباد۔12اگست (اے پی پی): منشیات گرءُداری ءِ بنجاہی وزیر اعجاز احمد شاہ ءَ گشتگ کہ منشیات ءِ ھلاس کنگ ءِ ھاترءَ یواین اوڈی سی ءِکوشست لکھ ستاہ کرز اَنت، آیوکیں پنچیں سالاں گامگیج کنگ ءَ منشیات ہلاس بیت۔ اے گپ آئی ءَ پنچ شمبے ءِ روچءَیک دیوانے ءِ سروکی کنان ءَ کتگ۔ اے موہ ءَ یو این ڈی سی ءِ راج نمائدگ جرمی ملسم،منشیات گرءُداری سیکریٹری اکبر درانی ءَ ہوا ر وزارت ءِ مزنیں افسر ہوار بوتگ اَنت۔ یو این او ڈی سی ءِ نیمگ ءَ چہ پاکستان ءِ ھاترءَ جوڑ کتگیں پروگرام چار بہرآں ہوا ر اَنت۔ ایشی ءِتہا بارڈر مینجمنٹ، لیگل رفارم، منشیات ءِ ڈیمانڈ ءَ را کم کنگ ء ُ ناشرکاری ءِ حلاپ ءَمہم کنگ ہوار اِنت۔ اے موہ ءَ بنجاہی وزیر اعجاز احمد شاہ ءَ گشتگ کہ منشیات ءِ ہلاس کنگ ءِ ھاترءَ کاروائی کناںَ اعجاز احمد شاہ ءَ یو این او ڈی سی ءَ را اوست داتگ کہ اے چاگرد ی ہرابی ءِ سرجمی ہلاسی ءَ تاں وتی جدوجہدءَ برجم داراں۔
