اسلام آباد۔12 اگست(اے پی پی) بلوچ انٹرنیشنل کانگریس ٹرسٹ بلوچستان ءِ جنرل سیکریٹری میر نصراللہ مری ءِ سروکی ءَ 14 اگست ءِہوالگءَ بی آئی سی ٹی ءِ گندءُنندی دیوان ایم پی اے ہاسٹل کوئٹہ ءَ بوتگ۔ دیوان ءَ بنجاہی پریزیڈنٹ بانک دُرچین مری ہم ہوار بوتگ۔ دیوان ءَ 14 اگست ءَ را گوں جوش ءُ جزبگ ءَ گوازینگ ءِ چنء ُلانچانی ہوالگءَ گپ ءُ تران کنگ بوتگ ۔اے موہ ءَ بانک دُرچین مری ءَ ماتیں وطن ءِ آجوہیءِ روچءَ را گوں جوش ءُ جزبگ ءَ گوازینگ ءِ ھاترءَ درائیں ضلعی ءُ تحصیل ءِ کارکنوکاناں پنتء ُشون کتگ کہ آ 14 اگست ءَ را گوں راجی جوش ءُ جزبگ ءَ گوازینگ ءِ ھاترءَ وتی کرداں پیلو بہ کن اَنت۔ آئی ءَ پاکستان فوج ءِ بے مٹیں قربانیانی ہوالگءَ گپ کتگء ُگشتگ کہ پاکستان ءِ آزاتی مئے فوج ءُ مئے پیرینانی بے مٹیں قربانیانی برورد اِنت کہ آیانی پہ ملکءِ آزاتی ءِ ھاترءَ وتی جان ء ُ مال ندر کتگ اَنت۔ اے موہ ءَ میر نصراللہ مری ءَ ہم گشتگ کہ ما زندگیں راجے اَنت ءُ پہ وتی ملک ءُ راج ءِ ھاترءَ ہرچ وڑیں قربانی دیاں۔ دیوان ءَ ہوار درستیں باسکا ں گشتگک کہ ما درستیں پاکستانی یکجاہ بنت ءُ 14 اگست ءَ را گوں جوشء ُ جزبگ ءَ گوازیناں تنکہ مئے دژمناں اے کلوہ سربہ بیت کہ ما درست یک اَں۔ دیوان ءَ بی آئی سی ٹی ءِ انفارمیشن سیکریٹری محمد خان ساسولی، زالبول آرگنائزرشاہین بخت عالیزئی، کوئٹہ ڈویژن ءِ صدر ڈاکٹر شہزاد مری، چہ مستونگ ءَ محسن عزیز شہوانی ،طلال شہوانی ، صفیہ بی بی ء َ ہوار دیگہ بازیں باسکیں ہوار بوتگ۔
