بہاولپور۔11اگست (اے پی پی): مزن وزیر عمران خان ءَ گوشت کہ زرباری پنجاپ ءِ ھوالگ ءَ کجاھم نمونگ ءِ گامگیج چست کنگ ءَ چہ پیسر توامیں پریک آنی گوما شو رءُ مشور کنگ بہ بیت، اے پڑ ءَ کشت ءُ کشار ءِ ارزشت ءِ رد ءَ آپ ءِ ھوالگ ءَ توامیں جیڈھ آناں گیواری کنگ بیت، پاکستنا ءَ اولی رند ءَ ٹیکس ءِ رد ءَ ریکاٹ بوتگیں زر آناں یک مُچ کتگ ءُ ایش الس ءِ حکومت ءِ سر ءَ دل یکیمی ءِ سبب ءَ انت، وانگ ءُ زانگ ءُ بنیاتی ضلورت آنی گہتری حکومت ءِ اولی کار انت۔ چار شمبے ءِ روچ ءَ بہاولپور ڈویژن ءَ دیمروئی منصوبگ ءُ زرباری پنجاپ سیکٹریٹ ءِ کار کرد ءُ جوڑیشت ءِ ھوالگ ءَ دیمروئی کار آنی سر ءَ چار ءُ بچار ی دیوان ءِ سروکی کت ءُ ھندی سروک ءُ راجی اسمبلی ءِ باسک آں گوں گند ءُ نند ۔ بنجاھی وزیر مخدوم خسرو بختیار، طارق بشیر چیمہ، سید فخر امام، معاونِین خصوصی جمشید اقبال چیمہ، ڈاکٹر شہباز گِل، ملک عامر ڈوگر، سینیٹر عون عباس بپی، سر وزیر پنجاب سردار عثمان بزدار، صوبائی وزیر ھزانگ ہاشم جواں بخت، راجی اسمبلی ءِ باسک کنول شوزیب ءُ ایندگر راجی ءُ صوبائی اسمبلی ءِ باسک آں بھر زوری کت۔
