ملک ءِ آیوکیں باندات، گریبی ءِ تہ ءَ کمی ءُ وشھالی ءِ واستہ دھکان آنی کمک مئے فرض انت، دھکان کاٹ یک آشوب ات ، ایشی ءَ چہ دھکان آناں یک شل ءَ سبسڈی رست کنت، مزن وزیر عمران خان ءِ دھکان کنونشن ءَ گوں گشتانک  

بہاولپور۔11اگست  (اے پی پی): مزن وزیر عمران خان ءَ  دھکان تبک ءَ را ملک ءِ درستاں چ مستریں مڈی نامینان ءَ گوشت کہ ملک ءِ آیوکیں باندات، گریبی ءِ تہ ءَ کمک ءُ وشھالی ءِ واستہ دھکان آنی کمک مئے فرض انت، دھکان کاٹ یک آشوب ات ایشی ءَ چہ دھکان آناں یک شل ءَ سبسڈی رست کنت،  دھکان آنی آمدن ءِ تہ ءَ گیشی ءَ چہ پاکستان ءَ را سیت رسیت،  پیداوار ءَ را گیش ودینگ  ءَ چہ چیز سستا بنت۔ پاکستان ءِ آیوکیں باندات ءِ کشک پٹ ءُ پول انت۔ پاکستان ءَ  را دیم ءَ جنزگی انت گڈا گریبی ءِ ھلاسی کنگ لوٹ ایت۔ آ چار شمبے ءِ روچ ءَ دھکان کنونشن ءَ گوں گشتانک دیگ ءَ ات۔  اے موہ ءِ سر ءَ سر وزیر پنجاپ عثمان بزدار، ھاسیں کمکار برائے وردن ءُ وراک ءِ رکھینگ  ءُ پٹ ءُ پول جمشید چیمہ ءَ ھم گشتانک دات۔  مزن وزیر ءَ اے موہ ءِ سر ءَ دھکان آناں  دھکان کاٹ  ھم بھر ءُ بانگ کت۔

آئی ءَ کشت ءُ کشاری شوبگ ءَ پٹ ءُ پول ءَ  اسلامی یونیورسٹی بہالپور ءِ وائس چانسلر پروفیسر ڈاکٹر اطہر اقبال، پروفیسر ڈاکٹر اقبال بندے شاہ ءُ چین ءَ چہ پی ایچ ڈی کنوکیں ڈاکٹر علی ءَ را ایوارڈ دات۔